Director’s Message

Director Loreto V. Cabaya Jr.

Tuloy po kayo sa DSWD Field Office XII website!

Sa patuloy na pag-usbong ng Bagong Pilipinas sa ilalim ng pamumuno ni President Ferdinand Bongbong Marcos Jr., nananatiling matatag ang DSWD Field Office XII sa paghahatid ng maagap, makatao, at makabagong serbisyo para sa ating mga kababayan—lalo na ang mga mahihirap at kabilang sa bulnerableng sektor.

Sa gitna ng mga hamon at pagbabago sa ating lipunan, patuloy naming pinapalakas ang aming mga programa at serbisyo upang mas maging epektibo, mabilis, at angkop sa pangangailangan ng bawat pamilyang Pilipino. Isinusulong natin ang mga inisyatibong nakatuon sa kaunlaran, resiliency, at inklusibong pag-unlad ng komunidad.

Hindi po kami mapapagod na paglingkuran ang bawat Pilipino nang may malasakit, integridad, at patas na pagtrato. Tinitiyak namin na ang bawat tulong ay naipararating nang maayos, walang puwang sa katiwalian, at may tunay na malasakit sa kapwa.

Katuwang ninyo ang ating mga magigiting na Social Workers at Development Workers—ang ating mga “Angels in Red Vest”—na patuloy na nagsisilbing sandigan ng mga pamilyang nangangailangan sa bawat sulok ng Rehiyon Dose.

Asahan ninyo na sa DSWD Field Office XII, patuloy kaming magsusulong ng mga programa, proyekto, at serbisyong tunay na makabuluhan, dahil naniniwala kami na sa Bagong Pilipinas, bawat buhay ay mahalaga.